На главную   ::   Новости   ::   Фотогалерея   ::   Написать нам   
 



Google





Ы. Алтынсарин атындағы Оңтүстік Қазақстан облыстық балалар кітапханасы

1961 жылы Оңтүстік Қазақстан облыстық Ы. Алтынсарин атындағы балалар кітапханасының негізі қаланды. Ол кезде кітапхана қорында 340 кітап қана бар еді және Оқушылар сарайының бір бөлмесіне ғана орналасқан болатын.

1963 жылдың қаңтарында кітапханаға Советский көшесінің (қазіргі Қазыбек би) бойынан 80 шаршы м. ғимарат берілді.

1976 жыл Кітапхананың қалыптасу тарихындағы маңызды кезең: қаланың қақ ортасында орналасқан Ленин атындағы (қазіргі әл-Фараби) алаңдағы жайлы әрі жаңа ғимаратқа ауысуы болды.

1976 жылдың 29 наурызында кітапханаға Шымкент қалалық атқару комитетінің шешімімен қазақтың ұлы ағартушысы, қоғам қайраткері, педагог-наваторы, этнограф-ғалымы, ақыны және прозаигі, қазақ жазба әдебиеті мен әдеби тілдің негізін қалаушылардың бірі, орыс графигінің негізінде қазақ әліпбиін құрастырушы, Қазақстандағы алғашқы жалпы білім беретін мектептерді ұйымдастырушы Ыбырай Алтынсариннің есімі берілді.

2000 жылы кітапханалық-библиографиялық процестерге жаңа ақпараттық технологияларды ендіру басталды, компьютерлік және көшірме-көбейту техникалары алынды.

2002 жылы Республикалық автоматтандырылған кітапханалық ақпараттық жүйе (РАБИС) іске қосылды, электрондық каталогты қалыптастыру жұмыстары басталды. «Каталогизатор», «Оқырмандарды тіркеу», «Іздеу. Көру. Тапсырыс», «Жүйе администраторы» автоматтандырылған жұмыс орындары (АРМ) іске қосылды.

2005 жылы кітапхана Интернет желісіне қосылды. Кітапханада 38 дербес компьютерді байланыстыратын жергілікті желілік жүйе жұмыс істейді.

2006 жылы кітапхананың www.altynsarinkа.kz web-сайты жасалды. Сайтта кітапхананың даму тарихы мен оның құрылымдық бөлімдері жайлы, кітапхана көрсететін қызмет түрлері мен ақпараттық ресурстар туралы мәліметтер жарияланған.

2007 жылы дамыту және жаңа технологиялар бөлімі ашылып, Интернет-класс оқырмандарға қызмет көрсете бастады.

Кітапхананың жалпы көлемі – 778,5 шаршы м., оқу залдарындағы отыратын орын саны – 91, кітап беру пунктілері – 7.

Кітапхана қызметінің негізгі бағыттары
Ы. Алтынсарин атындағы ОҚ ОБК қызметінің басты бағыттары:
    - білім беру процесін ақпаратпен қамтамасыз ету;
    - ақпараттық ресурстарға қол жеткізу қызметінің диапазонын кеңейту;
    - оқырмандардың ақпараттық мәдениетін қалыптастыру;
    - өз Отанының патриоттарын тәрбиелеу, ҚР ұлттық идеясын дамыту.
Көрсететін қызметтері
ОБК жыл сайын 188 мың рет кітапханаға келетін 20 мың пайдаланушыларға қызмет көрсетеді. Оларға жыл сайын 467 мыңнан аса түрлі құжаттар беріледі. ОБК-ның ұжымдық пайдаланушыларының қатарында «Әйгерім», №15 «Жадыра» бала бақшалары, №7, 8, 15, 20, 64, «Дарын» мектептері, Өнер мектебі, балалар мен жастардың қалалық орталығы, ұлттық мәдени орталықтар, №3 балалар үйі, №1, 2 мүмкіндігі шектеулі балалардың мектеп-интернаттары, «Тау самалы» республикалық оқу-сауықтыру орталығы және т.б.

Кітапхананың пайдаланушылары: мектеп жасына дейінгі балалар, 1-9 сынып оқушылары және балалар оқуның жетекшілері (мұғалімдер, тәрбиешілер, ата-аналар). Қызмет көрсету жүйесі пайдаланушылардың жас ерешеліктеріне байланысты ұйымдастырылған: 0-4, 5-6, 7-9 сыныптар.

Пайдаланушылардың қызметіне арнайы жабдықталған 7 бөлім, 3 сектор, Интернет-класс, психологиялық қызмет, «Алтынсаринка» сайты, электрондық каталог, дәстүрлі каталогтар мен картотекалар ұсынылады. Кітапхана келісім шарт арқылы барлық қала мектептеріне оқу жылына арналған іс-шаралардың жоспарын ұсынады.

Кітапхана қабырғасында сайыс-турнирлер, кездесулер, тұсау-кесер шаралары өтеді. Белсенді жас пайдаланушылар үшін «Өркен», «Балапан», «Музыкалық қиылыс», «Академия юного художника», «Жас оқырман», «English language club» клуб-үйірмелері, «Микки» бейнесалоны жұмыс істейді. Ата-аналармен жұмыс «Кітап және отбасы» бағдарламасының аясында жүргізіледі. Пайдаланушылар үшін тақырыптық тізімдер, жаңа әдебиеттер тізімі, хабарлама бюллетендері шығарылады: Мыс., «Қазақстан: Кеше. Бүгін. Болашақта», «Мектеп бағдарламасына көмек», «Жаңа кітап». Қорға түскен жаңа басылымдармен ақпарат және көрме өткізу күндерінде тұрақты танысып тұруға болады.

Кітапхана басшысы
Вахитова Ирина Фуатқызы

Кадрлар
Штаттық бірлік - 47, оның ішінде, кітапханашылар - 31.

Қосымша мәліметтер
Балалар кітапханасы – білім беретін, бос уақытты тиімді пайдаланатын, ақпараттық және коммуникативтік орталық. Осыдан барып, қорға алынатын құжаттар тізімі туындайды. Бұл балаларға арналған дүниежүзілік үздік әдебиеттер, осы заманғы балалар көркем әдебиеті (отандық және шетелдік), оқу процесіне көмектесетін салалық және анықтамалық әдебиеттер, балаларға арналған мерзімді басылымдар, аудио және бейне материалдар, ақпаратты тасымалдайтын электрондық құралдар. Кітап саудасымен айналысатын ұйымдармен сенімді іскерлік қарым-қатынас құрылған. Қазіргі таңда кітапхана қоры – 211826 дананы құрайды.

ОБК – балаларды кітаппен және ақпаратпен қамтамасыз ететін аудандық балалар кітапханаларының әдістемелік орталығы болып табылады. Қазіргі кезде облыс көлемінде 2 орталықтандырылған қалалық балалар кітапханасы, 13 орталықтандырылған аудандық, 3 аймақтық, 2 ауылдық және 10 балалар бөлімшелері бар.

Жыл сайын белгіленіп отыратын жұмыстың басым бағыттары, міндеттері, қызметтері облыстағы балалар кітапханаларының жүйесі үшін ортақ.

Байланыстар
Мекен-жай: Оңтүстік Қазақстан облысы
Шымкент қаласы, әл-Фараби алаңы, 1А
Тел.: +7 (7252) 53-96-36, 21-29-08

web: www.altynsarinkа.kz
e-mail: ukodb@mail.ru